Đơs tàm dơ̆ mut lơh, Kwang atbồ Ƀan Tuyên giáo dà lơgar ồng Nguyễn Trọng Nghĩa kơp kờñ gah pờ tơlik jơnau đơs rơp sùm lơh jat niam jơnau Wa Hồ bơto, hơ̆ là “Lơh ƀău đơs den pal sền gròi tus bơta pal cih bè lơi, đơs bè lơi nàng cau iat gơtùi git di jơnau mờ he kờñ pơyua, lơh bè lơi nàng cau iat in ƀuơn kah, ƀuơn lơh jat”. Bal mờ ală bơta sră ƀău, pờ tơlik jơnau đơs rơp gàr kơ̆ gơnoar broă lam lài tàm gah bồ tơngoh – niam chài bơh Đảng dê, di mờ bơta kơp kơnờm kung bè bơta kờñ gơboh bơh làng bol dê.

Geh lơh bơh ngai 09 tus ngai 14/7, Dơ̆ pơrlòng pờ tơlik jơnau đơs gùt lơgar dơ̆ 16 gam geh ală broă lơh duh hồl ngan. Hơ̆ là dơ̆ cribơyai dunia “Tam gơl sồ pờ tơlik jơnau đơs: Bơta geh ngan ală lơgar mờ Việt Nam”; Cribơyai Pờ tơlik jơnau đơs tơn tàm rài li la gah pờ tơlik jơnau, li la gah yal tơnggit jơnau; Broă lơh “Tìp mat lơh kwèng mờ ală cau kờñ niam chài Chèo gùt lơgar dơ̆ 9 nam 2024” mờ Dơ̆ pơrlòng ntoat “Tài bơta pràn kơldang să jan”.