Tàm nhai cau lơh phan nam 2024, Gia Lai rơp bơyai lơh Broă lơh “Ưn ngài cau lơh broă” nàng kah ưn ngài, jờng rơ đoàn viên, cau lơh broă geh uă tă pơgồp ai anih lơh broă, mpồl lơh broă, mpồl lơh sa kă bro in. Mờ kung lơh 10 nơm hìu “Hìu ơm kông đoàn” pà đoàn viên, cau lơh broă geh rài kis kal ke; còp mờ pà phan cau lơh phan gơtìp rềs àr lơh broă, kòp jroă sơbơng roh… Bal mờ hơ̆, ală liên đoàn lao động kâp hơ đơm rơp bơyai lơh tìp mat, tơm boh bơr mờ cau lơh phan; lam lơh broă lơh “Pràn kơldang nàng lơh broă, lơh sa” mờ uă broă lơh niam chài, đơs crih tamya, tàp pràn să jan.

Bè broă rơndap lơh mùl màl  bơh Liên đoàn Lao động dê, ồng Võ Công Hòa- Củ tịc Liên đoàn Lao động kơnhoàl Chư Sê pà git: Kơnhoàl neh lơh 2 kes priă là “Tàm dong kờl pơn jờng’ mờ “Hìu ơm kông đoàn” nàng tàm dong kờl ai đoàn viên geh rài kis kal ke in nàng đoàn viên iang nùs mờ sùm geh dùl mpồl lòt bal mờ he tàm tơl gah rài kis. Tàm nhai 5 do rơp pơgồp bal ală broă lơh tàm pơrlòng lơh broă, lơh sa, lơh gơlik bơta tam klac bal đah ală cau lơh phan, cau lơh broă.