Bal mờ rơlao 350 hìu tăc dà kơphe drơng làng bol mờ cau năc in hùc ờ sa priă tàm Lơh chờ kơphe Buôn Ma Thuột dơ̆ 8 nam 2023, tàm gùng Phan Đình Giót, sơnah ƀòn Tân Thành, ƀòn dờng Buôn Ma Thuột geh bơyai lơh uă broă lơh niam bơnĕ ngan bè broă lơh kơphe bơh tàm suơn tus mờ cau ngui in.

Bơh ngai 10 tus ngai 14 nhai 03, tŭ cau năc tus tàm gùng Phan Đình Giót, sơnah ƀòn Tân Thành, ƀòn dờng Buôn Ma Thuột bal mờ broă hùc dà kơphe ờ sa priă geh 4 mpồl là: Kông ty CP Tập đoàn Trung Nguyên, Kông ty TNHH MTV Tăc mờ blơi phan mờ lơgar ndai ngai 02 nhai 9 (Simexco Dăk Lăk), Kông ty TNHH King Coffee mờ Kông ty TNHH MTV yal tơngit broă lơh Pro (khà măt kă bro Ama Coffee) lơh, cau năc gơtùi tus bal ală broă lơh nàng git bè rài chài rơgơi lài do kơphe, bơta niam chài kơphe. Tàm hơ̆, pal kah ngan là mpồl lơh “Simexco Coffee tour” nàng pơn jờng ală làng bol tam kơphe mờ tam pà bal broă lơh kơphe bơh tàm suơn tus mờ cau ngui.