Dơ̆ pơrlòng geh 19 mpồl mờ mờr 190 nă cau pơrlòng tus bal, tơlik gŏ jơnau git wă mờ jơh nè mờ broă hòi jà làng bol. Mờ 3 bơnah pơrlòng, tàm hơ̆ geh jơnau còp să, jơnau git wă bơsong bơta gơlik geh mờ lơh lèo bè broă lam sồr làng bol chài, ală mpồl pơrlòng neh ai tơngŏ ală tơngu me pơrlòng niam bơnĕ ngan.

Jăt mpồl bơyai lơh pơrlòng, ală mpồl neh geh broă rơcang lài nền nòn, niam, tơnguh me geh uă, broă lơh tơlik gŏ uă bơta. Tàm hơ̆, bơnah pơrlòng bơsong jơnau mờ ală broă lơh lèo geh lơh is, geh bơh bơh tàm bơta mùl màl broă lam sồr làng bol ai geh nùs nhơm sền gròi, hòi jà, niam mờ geh jơnau yal mbàlng, lam sồr geh uă. Mpồl bơyai lơh neh jào 11 khà ai mpồl pơrlòng jăk ngan in, 3 khà ing geh ai ală mpồl geh jơnau pơrlòng niam krơi is, broă lơh lèo niam mờ geh dơ̆ còp să niam. Tàm hơ̆, Mpồl pơrlòng Sở Văn hoá, Thể thao mờ Zu lịc càr Dăk Lăk geh khà dùl.