Đại sứ ồng Đặng Hoàng Giang đơs nền, Việt Nam sùm sền dờng màng mờ ơn broă lơh sền gàr mờ sền gròi kơnòm dềt là broă lài ngan tàm broă rơndap lơh bơtàu tơnguh lơh sa – mpồl bơtiàn bơh dà lơgar dê, lời tơl bơta priă jền pal geh nàng bơcri ai bơta dờng pràn bơh kơnòm dềt dê in. Mò June Kunugi jờng rơ ală cồng nha mờ lơgar Việt Nam lơh geh tàm mờr 40 nam lam lơh broă lơh tam gơl pa, sền hơ̆ là bơnàng jă nàng lơgar Việt Nam in lơh geh ală cồng nha niam pal pơn jờng ngan tàm broă sền gròi mờ sền gàr kơnòm dềt. Tàm dơ̆ wă, 2 gah ring bal pơgồp bal bơyai lơh broă lơh tơngkah kir sơnrai 50 nam bơta git gơp lơh broă bal đah Việt Nam mờ UNICEF, kung bè cribơyai ală broă lơhnàng kờñ tơnguh cồng nha broă lơh bơh UNICEF dê tàm broă hòi jà tă pơgồp priă jền, lam lơh ală broă lơh, rơndap broă, sơlơ tơnguh tai lơh broă bal, pơgồp bal tiah câu Á – Thái Bình Dương.