VOV4.K’ho- Mho mang ngai 24/5, tàm Hìu lơh broă Quôk hội geh lơh dơ̆ tìp mat mờ lam lơh broă lơh bơh Mpồl ùr kwang bàng Quôk hội tơngai lơh broă Quôk hội khóa 15. Đơs tàm dơ̆ tìp mat, Củ tịc Quôk hội ồng Vương Đình Huệ đơs là, Quôk hội khóa 15 mờ 151 nă ùr kwang bàng, gam ơm tềng đap ală jơnau sồr tam gơl pa uă rlau tai nàng dipal mờ gơnoar broă là anih ala mat dờng ngan rlau jơh bơh cau tĕ khà dê, anih lơh broă geh gơnoar dà lơgar dờng ngan rlau jơh bơh lơgar Kộng hòa xã hội củ nghĩa Việt Nam dê.

Củ tịc Quôk hội ồng Vương Đình Huệ cùp hin kir sơnrai mờ Mpồl ùr kwang bàng Quôk hội

Nàng mpồl ùr kwang bàng Quôk hội Việt Nam khóa 15 in lơh gơs niam jơnau kờñ neh ai tơlik tàm tơngai tus, Củ tịc Quôk hội ồng Vương Đình Huệ sồr: Mpồl pal geh gùng dà lơh broă bal bơh gùt tơngai lơh broă dê, pah nam pal ngan ngồn, gơ jat bal đềt mềr mờ broă lơh, tơngume bơh ală dơ̆ pơrjum bơh Quôk hội dê; broă lơh bơh mpồl dê li la, tơnguh bơta rơcang lài, bơceh pa bơh ală kwang bàng tàm Ƀan Thường trựk dê, hòi jà uă ngan rlau jơh bơta tus bal bơh ală kwang bàng tàm mpồl dê.

Cau mblàng K’Duẩn