Tàm dơ̆ pơrjum, Ƀộ trưởng, Củ ñiệm Ủy ƀan Jơi bơtiàn ồng Hầu A Lềnh đơs nền, bơdìh ală tơngume geh gơrềng broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol kòn cau dùl ết nă cau mờ tiah kơh bơnơm tơngai bơh nam 2021-2023, tŭ do Ủy ƀan Jơi bơtiàn gam lam lơh uă tơngume ndai, bè: broă lơh gơwèt mờ cau geh bơngă pin dờn; rơndap broă lơh “tơrmù broă bau gờñ, bau mờ cau pròc mhàm bal tàm tiah làng bol kòn cau dùl ết nă cau”; rơndap broă lơh “dong kờl ring bal ùr klau tiah làng bol kòn cau dùl ết nă cau tơngai bơh nam 2018-2025”; lơh jat bàr pe Nghị quyết bơh Cíñ phủ dê bè broă lơh jơi bơtiàn ...

Kung jat Ƀộ trưởng, Củ ñiệm Ủy ƀan Jơi bơtiàn kòn cau ồng Hầu A Lềnh, Nghị quyết sồ 88 bơh Quôk hội dê neh sơñio loh 8 kơnòl broă tờm tàm broă lơh jơi bơtiàn , tàm hơ̆ geh kơnòl broă lơh geh cồng nha broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol kòn cau dùl ết nă cau mờ tiah kơh bơnơm, 7 kơnòl broă gam wơl kwơ màng ngan, ờ gŏ di lời tĕ ờ.