Tơngai bơh nam 2021 tus nam 2023, kờp dŭ kes priă dà lơgar jàu lam lơh Broă lơh jơnau kờñ dà lơgar tàm càr Dăk Lăk là mờr 1 rbô 500 tơmàn đông, kes priă càr dê là rlau 130 tơmàn đông. Bulah bè hơ̆, càr rơp pa tă ai rlau 800 tơmàn đông. Broă ai priă bơcri lơyài neh lơh gơ rềng uă ngan tus broă lam lơh ală rơndap broă lơh tàm càr.

Jat kơrnuat lùp sền geh yal, Mpồl lùp sền broă lam lơh Broă lơh jơnau kờñ dà lơgar bơtàu tơnguh lơh sa – mpồl bơtiàn tiah làng bol jơi bơtiàn dồ êt nă cau mờ tiah kơh bơnơm tàm càr Dăk Lăk geh 6 nă kwang bàng. Tàm tơngai 45 ngai lơh broă ngan ngồn, kờp bơh ngai yal Kơrnuat lùp sền, mpồl lùp sền rơp geh jơnau sồr yal jơnau tơnggit sră nggal bơ tơl bè broă lam lơh Broă lơh bơh nam 2021 tus jơh nam 2023.