VOV4.K’ho- “Sền swì tìs di kơnòl cau lam bồ ală anih lơh broă dilah lời gơlik geh jơnau lơyài ai priă bơcri dà lơgar dê”, do là jơnau đơs nền bơh Củ tịc Ủy ƀan Ñân zân càr Dăk Lăk dê tàm dơ̆ pơrjum Ủy ƀan Ñân zân ờs mờng nhai 08 nam 2022 geh lơh tàm ngai 13/09 tŭ sền swì cồng nha lơh jăt broă rơndăp lơh bơtàu tơnguh lơh sa- mpồl bơtiàn, sền gàr niam dà lơgar mờ bơta lơngăp lơngai nhai 08 mờ lam lơh jăt kơnòl broă nhai 09 mờ ală nhai lồi nam. Bè broă rơndăp lơh bơcri priă dà lơgar nam 2022, càr Dăk Lăk tam pà ai ală rơndăp broă lơh in mờ Kes priă ala măt càn priă mpồl lơh sa kă bro di mơ mờ dềt in mờ khà priă rlau 3 rbô 600 tơmàn đong.

Tus tŭ do rơ̆p pa ai priă geh rlau 913 tơmàn đong, lơh geh 26% broă rơndăp lơh. Lơyah rlau pơndrờm mờ priă ai priă bal bơh jơh gùt lơgar dê là rlau 34%. Tơnơ̆ tŭ mblàng sền ală jơnau bơh tài lơh gơbàn lơyài tơngai ai priă, Ủy ƀan Ñân zân càr Dăk Lăk neh sồr lơh puan mpồl lơh broă mờ ală Cau tờm bơcri priă nàng sền swì sồr lơh mhar, tă bơsong kal ke, kòl yan; sồr cau lam bồ ală sở, ngàñ pal kong kơnòl dilah pơn jăt tai lời gơlik geh jơnau lơyài ai priă.

Cau mblàng Lơ Mu K’Yến