Tàm dơ̆ lơh broă, kwang đơng lam bồ ală anih lơh broă bơh Anih jơnau đơs Việt Nam dê neh yal bè ală broă lơh mblàng yal bơh VOV dê, ală kal ke tàm broă rơcang lơh tờm is priă jền bơh VOV dê jat Nghị địñ sồ 60 bơh Cíñ phủ dê; kal ke tàm broă rơndap cau lơh broă tŭ pal lam lơh tơrmù ƀiên cế jat jơnau sồr; broă lơh cih mat lài bơh anih lơh ƀău dê tàm tŭ tơngai tŭ do tŭ kes priă ngai sơlơ koh tơrmù den rài kis kwang bàng, cau lơh broă ngai sơlơ kal ke rlau. Mờ kung ai tơlik ală broă lơh tă bơsong tàm tơngai tus.

Ală kwang bàng bơh Ủy ƀan Niam chài bơto bơsram bơh Quôk hội dê đơs: VOV là dùl tàm 6 anih lơh ƀău tờm ngan lơgar he dê, tŭ do pal kong mờ uă kal ke, bơta lòng, bơta tàm pơrlòng bè broă lơh mblàng yal jơnau tam gơl gơ rềng tus broă đơng pơlam. Ngan là kal ke bè mpồl lơh broă, broă lơh mờ cau lơh broă. Ủy ƀan Niam chài bơto bơsram bơh Quôk hội dê rơp pơgồp bal mờ VOV ai tơlik ală broă lơh, ngan là broă lơh tàm Adat sră ƀău (tam gơl) tus do nàng lơh gơs gơnoar broă bơh ală anih lơh ƀău tờm ngan dê mờ adat boh lam.