VOV4.K’ho- Ngai 01/03, tàm Hìu Quôk hội, Ủy ƀan Sền gàr adat boh lam Quôk hội dê neh pơrjum Dơ̆ pơrjum bal dơ̆ puan, ai jơnau đơs bè rơndăp lơh Kơrnoăt rơndăp tăp sèng, sră nggal Anih Cah rña làng bol sền swì lơh nền broă ai cau ngir ma túy bơh tơl 12 sơnam tus hơđơm 18 sơnam tơmŭt tàm anih sơm tơn jơh ngir ma túy pal lơh.

Jăt jơnau cih bơh Adat rơcăng sơndră ma túy dê den gơnăp gơnoar lơh nền ai cau ngir ma túy bơh tơl 12 sơnam tus hơđơm 18 sơnam tơmŭt tàm anih sơm tơn jơh ngir ma túy pal lơh bơh Anih Cah rña làng bol kâp kơnhoàl sền swì mờ lơh nền. Mơya, rơndăp tăp sèng, sră nggal do ờ hềt geh cih loh làng. Adat rơcăng sơndră ma túy đơs loh, Ủy ƀan Thường vụ Quôk hội cih rơndăp tăp sèng, sră nggal Anih Cah rña làng bol sền swì, lơh nền broă ai cau ngir ma túy bơh tơl 12 sơnam tus hơđơm 18 sơnam tơmŭt tàm anih sơm tơn jơh ngir ma túy pal lơh. Mờ ală jơnau đơs hơ̆, ală kwang bàng đơs là, broă lơh Kơrnoăt rơndăp tăp sèng, sră nggal Anih Cah rña làng bol sền swì, lơh nền broă ai cau ngir ma túy bơh tơl 12 sơnam tus hơđơm 18 sơnam tơmŭt tàm anih sơm tơn jơh ngir ma túy là kwơmàng ngan.

Cau mblàng Lơ Mu K’Yến