VOV4.K’ho- Drim ngai 22/06, tàm càr Bà Rịa- Vũng Tàu, Ủy ƀan Tam klăc Yàng Bàp Việt Nam, tơngai lơh broă bơh nam 2018-2023 bơyai lơh pơrjum nisơna, pồ bơtơl kwang bàng rcang ai dơ̆ Pơrjum dờng ala mat cau jat Yàng Bàp Việt Nam bơt bơtàu mờ sền gàr dà lơgar tơngai lơh broă bơh nam 2023-2028.

Mờ nùs nhơm geh kơnòl uă, làng bol lơh tờm mờ song dơ pă, pơrjum neh cribơyai, ring bal rơndap cih Kơrnoat lơh Mpồl rcang broă Pơrjum dờng ala mat cau jat Yàng Bàp Việt Nam bơt bơtàu mờ sền gàr dà lơgar dơ̆ 8, tơngai lơh broă bơh nam 2023-2028; ring bal sră yal bơh Mpồl Củ tịc dê bè broă yal tơngĭt cau lơh broă tus bal Ƀan thường trựk; 100% kwang bàng kung ring bal pồ bơtơl ồng Nguyễn Văn Toàn, Ủy viên mpồl Củ tịc, lơh Phó Củ tịc Thường trựk dà lơgar, Ủy ƀan Tam klăc Yàng Bàp Việt Nam tơngai lơh broă bơh nam 2018-2023. Bơh pơrjum nisơna do, ală kwang bàng kung geh bơsram tàp bè broă lơh bơyai lơh Pơrjum dờng ala mat cau jat Yàng Bàp Việt Nam bơt bơtàu mờ sền gàr dà lơgar tơngai lơh broă bơh nam 2023-2028.

Cau mblàng K’Hạnh