VOV4.K’ho- Pơn jat tai pơrjum dơ̆ 11, ngai do (12/5), Ủy ƀan Thường vụ Quôk hội ai jơnau đơs bè broă yal Quôk hội sền sơ wì, lơh nền gùng dà bơcri priă Rơndap broă lơh gùng pleh 4 tiah càr lơgar Hà Nội; rơndap broă lơh gùng pleh 3 ƀòn dờng Hồ Chí Minh. Rơndap broă lơh gùng pleh 4 tiah càr lơgar Hà Nội jòng 112,8 kơi sồ mờ kờp jơh priă bơcri 85 rbô 813 tơmàn đông. Jơnau kờñ ngui ù bơh rơndap broă lơh dê mờr 1 rbô 341 lồ. Gơl gùng pleh 4 geh ai ù lơh jat broă bơceh lơh sir ơnàng bơh 90 tus 135 thơk.

Cíñ phủ jàu Ủy ƀan Ñân zân ƀòn dờng Hà Nội in kong kơnòl là anih bơh sơn rờp lam lơh rơndap broă lơh, gàr niam bơta tơrgùm jơh ală bơta, bơta ring bal jơh gùt rơndap broă lơh dê. Rơndap broă lơh gùng pleh 3 ƀòn dờng Hồ Chí Minh geh priă bơcri kờp jơh rlau 75 rbô 300 tơmàn đông lòt gan ƀòn dờng Hồ Chí Minh, ală càr Đồng Nai, Bình Dương, Long An jòng mờr 92 kơi sồ. Broă lơh gơ wèt mpồl rơndap broă lơh kuơmàng dà lơgar, geh lam lơh bơh nam 2022 tus nam 2027.

Cau mblàng K’Duẩn