VOV4.K’ho- Pơn jăt tai broă pơrjum dơ̆ 10, ngai do 16/04, Ủy ƀan Thường vụ Quôk hội ai jơnau đơs bè rơndăp lơh Adat Rơcăng sơndră lơh pờng tàm hìu bơnhă (tam gơl). Rơndăp lơh Adat Rơcăng sơndră lơh pờng tàm hìu bơnhă (tam gơl) cih bơta pal jăt rơcăng sơndră lơh pờng tàm hìu bơnhă; ală broă lơh rơcăng sơndră kơryan lài, sền gàr, dong kờl mờ bơsong lơh tìs kơrnoăt boh lam bè rơcăng sơndră lơh pờng tàm hìu bơnhă; kơnòl bơh anih lơh broă, mpồl cau, hìu bơnhă, cau dùl nă să is tàm broă lơh jăt broă lơh rơcăng sơndră lơh pờng tàm hìu bơnhă.

Rơndăp lơh Adat tam gơl dơ̆ do ngui gơwèt mờ jơh bal ală cau là pơ ùr, bơklau neh tam sang halà ơm kis bal bè ùr bơklau mơya ờ gŏ lơh sră tam bau. Rơndăp lơh Adat kung cih ală broă lơh gơtìp kơryan ờ ai, bè: Rồn bơklơn bĭc bài, bơchồt, hoài jà, dong cau ndai in lơh broă lơh lơh pờng tàm hìu bơnhă. Tò dong, tàm mpồn lơh pờng tàm hìu bơnhă. Lơh mpờl, yal tơngĭt jơnau, lơh tìs jơnau yal bè lơh pờng tàm hìu bơnhă bơh jơh ală broă.

Cau mblàng Lơ Mu K’Yến