Jơnau rơcang cih Adat priă dia gơguh uă (tam gơl) cih bè cau kong priă dia, cau ờ kong priă dia, cau tă dia, cơng tàng mờ broă lơh kờp priă dia, ờ kờp priă dia mờ dờp wơl priă dia gơguh uă. Jơnau rơcang cih dơ̆ do neh tơrmù mpồl cau ờ kong dia gơguh uă, nàng kờñ gàr bơta gơ rềng bal bơh broă ờ kờp, tong priă dia gơguh uă; bơsong ală kòl yan tàm tŭ lam lơh. 

Jơnau rơcang cih adat tam gơl 7 phan bơna, broă drơng ala gơ wèt mpồl ờ kong dia gơguh uă gơs mpồl kong dia gơguh uă, geh: phơng sih, măi mok, phan bơna mờng ngui nàng drơng ai broă lơh sa suơn sre in; ơhò kup ka ngài gah dà lềng, prap gàr cứng khoán, broă drơng ala rơndap broă drà kă bro bơh Sở lơh broă cứng khoán halà anih tờm lơh broă cứng khoán, broă drơng ala ƀưu cíñ, viễn thông drơng bơta kuơ mpồl bơtiàn mờ internet jat broă lơh Cíñ phủ dê; broă lơh gàr sùm anih ròng phan, suơn bơkàu, kông viên, tờm chi kềng gah gùng lòt, đèng sòl àng mpồl bơtiàn.