VOV4.K’ho- Pơn jat tai pơrjum dơ̆ 10, drim ngai 19/4, Ủy ƀan Thường vụ Quôk hội ai jơnau đơs tàm broă lơh pơrjum dơ̆ 3, Quôk hội khóa 15. Jat kờp dŭ lài broă lơh pơrjum dơ̆ 3, Quôk hội pơrjum tơrgùm bal tàm Hìu lơh broă Quôk hội.

Bulah bè hơ̆ kung gam geh bơta rơcang lài rơndap broă lơh pơrjum pờ tơlik tàm internet dilah pal lơh. Kờp dŭ tơngai lơh broă bơh Quôk hội dê là 20 ngai. Quôk hội mut pơrjum tàm ngai dơ̆ 2, 23/5, kờp dŭ tơn jơh tàm ngai 17/6. Cíñ phủ sồr tơn ruc tơngai yal rơndap lơh Adat ù tiah (tam gơl) tài broă bơt bơtàu rơndap lơh Adat ù tiah neh gơlik geh 2, 3 bơta pa pal geh tai tŭ tơngai nàng kơlôi sơnơng nền nòn. Củ tịc Quôk hội ồng Vương Đình Huệ sồr sền gròi tơnguh bơta niam broă tơrgùm ală jơnau đơs bơh kwang bàng Quôk hội dê cribơyai tàm mpồl mờ tàm hìu pơrjum; pơgồp bal, rơcang lài nền nòn broă lơh bè yal tơnggit jơnau, sră nggal, mblàng yal, sră ƀău, ală bơta bè phan bơna, rơcang sơndră kòp bơtờp nàng drơng niam ai dơ̆ pơrjum in.

Cau mblàng K’Duẩn