VOV4.K’ho- Pơn jat tai pơrjum tơngume adat boh lam nhai 9, ngai do (21/9), Ủy ƀan Thường vụ Quôk hội ai jơnau đơs bè broă mblàng lơh loh, cih dờp, bơsir rơndap lơh Adat kham kòp, sơm kòp (tam gơl). Cih dờp ală jơnau đơs bơh kwang bàng Quôk hội dê tàm pơrjum dơ̆ 3, tus tŭ do, jơnau rơcang cih Adat Kham kòp, sơm kòp (tam gơl) cih khà priă kham kòp, sơm kòp geh lơh nền jat tàm priă kờp wil tơl jơh ală bơta bè priă tă, di mờ bơta pràn tă tơm mờ pơn jờng tơnguh bơta niam, bơtàu tơnguh kỹ thuật lơh broă mờng chài.

Củ tịc Quôk hội ồng Vương Đình Huệ tàm pơrjum

Lài hơ̆, tàm Pơrjum kwang bàng Quôk hội lơh broă sùm pa do, ală kwang bàng đơs là, kờñ pal geh kơrnuat krơi is ai broă lơh drơng ala kham sơm kòp in mờ broă lơh blơi phan lơh sơnơm dà lơgar, nàng kờñ gàr niam lơh jat di tŭ ală jơnau kờñ kham, sơm kòp mờ lơh gơlik bơta tàm pơrlòng ring bal đah ală bơta kham, sơm kòp. Ală kwang bàng kung đơs là, tơngume kòl yan ngan rlau jơh mờ kuơmàng ngan rlau jơh gơ wèt mờ gah lơh sơnơm tŭ do là lơh broă bal đah dà lơgar mờ cau dùl nă să is, den tàng sồr pal sang tĕ jơnau gơtha “mpồl bơtiàn tă pơgồp” lơh sơnơm. Tài ờ gơtùi hòi jà mpồl bơtiàn ndrờm mờ broă cau dùl nă să tă is priă bal mờ hìu sơnơm blơi măi, ơn tàm hìu sơnơm nàng ngui hơ̆ sồng tam pà bơta kuơ.

Cau mblàng K’Duẩn