VOV4.K’ho- Pơn jăt tai dơ̆ pơrjum tơngume adat boh lam nhai 8, ngai do 17/08, Ủy ƀan Thường vụ Quôk hội ai jơnau đơs bè jơnau rơcăng cih Kơrnoăt ai lơh jăt tơngume pal jăt dơ̆ pơrjum Quôk hội (tam gơl). Jơnau rơcăng cih Kơrnoăt ai lơh jăt tơngume pal jăt dơ̆ pơrjum Quôk hội (tam gơl) nàng kờñ pơgồp bơnah dong broă lơh bơh Quôk hội dê ngai sơlơ mờng chài, rơndăp tăp sèng mờ tơnguh uă rlau tai bơta niam mờ cồng nha ală dơ̆ pơrjum Quôk hội dê.

Ală kwang bàng kung ring bal gàr jơnau sồr gam geh ngui tŭ do bè tŭ jiơ đơs jơnau uă ngan rlau jơh bơh kwang bàng Quôk hội dê là ờ gŏ di uă ir 7 phuk nàng kờñ lơh geh ală bơta ai kwang bàng Quôk hội in rơcăng lài tàm broă rơcăng tơngume, ai tơl dùl tŭ jiơ ngan ngồn nàng kwang bàng Quôk hội in gơtùi đơs wil tơl tơngume cribơyai. Mơya, cau ătbồ dơ̆ cribơyai gơtùi ngac ngar rơcăng lài tam gơl tŭ jiơ đơs jơnau bơh kwang bàng Quôk hội dê nàng kờñ lơh geh bơta niam mờ cồng nha cribơyai.

Cau mblàng Lơ Mu K’Yến