Pơn jăt tai broă pơrjum dơ̆ 32, ngai do 16/04, Ủy ƀan Thường vụ Quôk hội ai jơnau đơs bè rơndăp broă lơh Adăt tam gơl, bơtơl bàr pe bơta bơh Adăt Sơnơm tơm ba dê neh bơtơl bàr pe broă kă bro pa nàng lơh geh jơnau kờñ bơh bơta geh ngan tàm rài kis dê, tàm hơ̆ geh kă bro jăt broă kă bro phan tàm internet, gàr niam gròi sền kơnhăp ală broă lơh gơrềng tus gah broă lơh sơnơm tơm ba.

Kung tàm ngai do, Ủy ƀan Thường vụ Quôk hội sền swì Sră dan bè dan tam gơl gùng dà bơcri priă Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn dồ êt nă cau mờ tiah kơh bơnơm tơngai bơh nam 2021- 2023; Sền swì jơnau yal broă lơh jơnau làng bol kơ̆p kờñ bơh Quôk hội dê mờ ai jơnau đơs bè Sră yal bơh Củ tịc lơgar dê bè broă kĭ Jơnau ring bal neh hơ pơrgon (Hiệp ươk) càn priă đah lơgar Việt Nam mờ Ngân hàng Bơ̆t bơtàu wơl mờ Bơtàu tơnguh dunia ai Rơndăp broă lơh phan bơna ai lài mờ bơtàu tơnguh tiah drà gơdờp mờ tam gơl nhơm trồ tiah ƀòn dờng Vinh, càr Nghệ An.