VOV4.K’ho- Pơn jăt tai pơrjum dơ̆ 9, drim ngai 24/03, Ủy ƀan Thường vụ Quôk hội sền swì jơnau yal cồng nha bơh sơnrờp bơh mpồl jăt sền tơngum “Broă lơh jăt gùng dà broă lơh kơrnoăt boh lam bè lơh jăt tềm pềr, kơryan pơhì pơhà tơngai bơh nam 2016- 2021” mờ lơh nền broă sac rwah anih lơh broă, mpồl lơh broă nàng lơh jăt broă jăt sền ngan ngồn.

Tơngume jăt sền “Broă lơh jăt gùng dà broă lơh, kơrnoăt boh lam bè lơh jăt tềm pềr, kơryan pơhì pơhà tơngai bơh nam 2016- 2021” geh pơgồp bơnah kwơmàng tàm broă tềm pềr  priă jền bơta pràn dà lơgar, bè cau lơh broă, phan bơna mờ priă jền. Den tàng bè hơ̆, broă gĭt nền tơngume tờm kwơmàng mờ gùng dà jăt sền loh làng gơwèt mờ tơl ƀộ, gah lơh broă kâp dà lơgar mờ ală càr, ƀòn dờng; gĭt nền gah broă geh tềl tơngŏ pơhì pơhà, tàm lùp, đal gŏ ală tềl tơngŏ do là ală tơngume geh cau tĕ khà mờ làng bol sền gròi ngan mờ jăt sền bơh mpồl jăt sền dê. Kung tàm ngai 24/03, Ủy ƀan Thường vụ Quôk hội sền swì, ring bal jơnau rơcăng cih Kơrnoăt bè broă lơh lùp mờ hơ jơnau lùp tàm pơrjum dơ̆ 9.

Cau mblàng Lơ Mu K’Yến