VOV4.K’ho- Drim ngai 22/8, Củ tịc Quôk hội ồng Vương Đình Huệ neh đơng lam Pơrjum sền sơ wì broă lam lơh jat Broă rơndap lơh sồ 81 bơh Ủy ƀan Thường vụ Quôk hội khoă 15 dê mờ lam lơh broă lơh bơt bơtàu Adat boh lam, kơrnuat boh lam. Tàm pơrjum, Củ tịc Quôk hội ồng Vương Đình Huệ đơs là, broă lam lơh jat jơnau pơn dut bơh Ƀộ Cíñ trị dê mờ broă rơndap lơh bơh Ủy ƀan Thường vụ Quôk hội dê mờr 1 nam do neh lơh geh cồng nha niam mờ kuơmàng ngan.

Broă lam lơh jat geh lơh niam, sơrbac mhar mờ geh cồng nha. Tus tŭ do, Quôk hội neh ai tơlik 6 adat boh lam, 8 Nghị quyết. Ủy ƀan Thường vụ Quôk hội neh ai tơlik 2 kơrnuat boh lam mờ 2 Nghị quyết. Kờp dŭ tàm pơrjum Quôk hội dơ̆ 4 tus do geh sền sơ wì 7 rơndap lơh adat boh lam, 1 Nghị quyết mờ sền sơ wì dơ̆ sơn rờp 7 rơndap lơh Adat boh lam ndai. Củ tịc Quôk hội sồr anih lơh broă geh gơ rềng sền gròi tus bơta niam ală rơndap lơh adat boh lam, gàr niam tŭ tơngai hơ pơrgon lam lơh gơ wèt mờ ală kơnòl broă crơng gơs adat boh lam gam wơl bơh tơngai lơh broă dê, pơn jat tai tam gơl pa broă lơh tă pơgồp jơnau đơs, ai jơnau đơs làng bol, sơlơ tơnguh kơrnuat pal jat mờ pal rơcang sơndră bơta sa kuề sa kuà broă dong kờl, bơta kuơ mpồl tàm broă bơt bơtàu adat boh lam.

Cau mblàng K’Duẩn