Ala mat Kwang đơng lam bồ Quôk hội, đơs tàm dơ̆ Pơrjum, Phó Củ tịc thường trực Quôk hội ồng Trần Thanh Mẫn đơs là, tơngai pa do, Quôk hội Việt Nam pơn jat tai tam gơl pa, ngăc ngar mờ lơh broă, ngui niam gơnoar broă “Bơta pràn jơnau đơs” bơh gah cribơyai broă mờ lơgar ndai Nghị viện dê, tă pơgồp geh cồng nha tàm broă lơh jat gùng dà  broă lơh lơh broă mờ lơgar ndai is, rcang is, ring lơngai, gĭt gơ̆p lơh bơyô, lơh uă bơta gĭt gơ̆p, lơh bơyô mờ uă lơgar, tơnguh uă rùp să, gơnoar broă bơh lơgar Việt Nam dê tàm anih lơh broă dunia bơh Đảng mờ Dà lơgar he dê.

Tàm tơngai tus, Quôk rơ̆p pơn jat tai lam lơh ală gùng dà broă lơh dờng bơh Đảng dê bè ngui niam gơnoar broă lam lài bơh lơh broă mờ lơgar ndai, bơt bơtàu rài lơh broă mờ lơgar ndai tơl làm, pa ngan mờ 3 bơta tờm ngan là lơh broă mờ lơgar ndai Đảng, lơh broă mờ lơgar ndai Dà lơgar mờ lơh broă mờ lơgar ndai làng bol, tàm hơ̆ sền gròi ngan gơnoar broă, bơngă lơh broă mờ lơgar ndai bơh Quôk hội dê tàm jơh ală broă lơh lơh broă mờ lơgar ndai bơh lơgar Việt Nam dê.