Củ tịc Quôk hội ồng Vương Đình Huệ đơs tàm dơ̆ sơnđờm dơ̆ pơrjum mờ tơn jơh  dơ̆ lùp mờ hơ jơnau lùp do. Ƀộ trưởng Ƀộ Tư pháp ồng Lê Thành Long tơrgùm hơ jơnau lùp kwang bàng Quôk hội dê bè broă lơh jăt broă lơh adat boh lam, kơrnoăt boh lam; ală broă lơh nàng lơh di tơngai, lơh geh bơta niam mờ sră nggal ală rơndăp broă lơh, jơnau rơcăng cih Cíñ phủ yal Quôk hội in; broă lơh tơnguh uă bơta niam ală adat boh lam, broă lơh gròi sền gơnăp gơnoar, rơcăng lài tam dră wơl mờ broă sa kwề sa kwà, bơta ờ niam tàm broă lơh adat boh lam gơ wèt kơnòl broă bơh Cíñ phủ dê.

Bè mpồl broă gơ wèt gah broă kơnòl broă bơh Ƀộ Nông nghiệp mờ Phát triển Nông thôn dê, Ƀộ trưởng ồng Lê Minh Hoan hơ jơnau lùp bè broă lơh tă bơsong kal ke ai broă tăc mờ lơgar ndai phan lơh geh bơh sươn sre in, bal mờ hơ̆ là broă lơh lòt jòi, sền gàr mờ bơtàu tơnguh phan kwơ phan tàm dà; broă lơh tă bơsong “sră kơryan” bơh Ủy ƀan câu Âu (EC) dê gơ wèt mờ phan tàm dà; Broă tam gơl jơnau kờñ ngui, ai wơl bă ù lơh kòi, gàr tơl kòi phe mờ tăc phe mờ lơgar ndai.