VOV4.K’ho- Drim ngai 16/03, tàm Hìu Quôk hội, Ủy ƀan Thường vụ Quôk hội bơyai lơh dơ̆ pơrjum lùp mờ hơ jơnau lùp bơh kwang bàng Quôk hội dê gơwèt mờ 2 nă kwang bàng tàm Cíñ phủ. Lài mờ dơ̆ lùp mờ hơ jơnau lùp, cau tĕ khà geh uă bơta gơn kơnờm tơnơ̆ dơ̆ lùp mờ hơ jơnau lùp, Cíñ phủ geh gùng dà broă lơh dipal, gàr niam xăng zờu tàm tơngai tus kung bè geh broă lơh kơryan jơnau sơmờm broă dan giă tàm ală dơ̆ tàm pơrlòng tăc bro giă ù. Bè lơh gơlik mờ tăc bro xăng zờu; broă lơh đơng pơlam giă xăng zờu tơngai lài là dùl tàm bàr mpồl broă geh Ủy ƀan Thường vụ Quôk hội sac rwah nàng lùp Ƀộ trưởng Ƀộ Kông thương ồng Nguyễn Hồng Diên.

Kơnòl mờ broă lơh kơryan jơnau sơmờm broă dan giă tàm ală dơ̆ tàm pơrlòng tăc bro giă ù mờ khà giă sơrlèt rlau ir mờ giă geh ngan bơh drà kă bro dê nàng lơh giă ù ală tiah gùt dar gơguh jơnhoa nàng kờñ jòi sa kơñau is....là tơngume geh Ủy ƀan Thường vụ Quôk hội sac rwah lùp Ƀộ trưởng Ƀộ Tài nguyên mờ Môi trường ồng Trần Hồng Hà. Dơ̆ lùp mờ hơ jơnau lùp geh bơyai lơh tàm Hìu pơrjum Diên Hồng gơwèt Hìu Quôk hội dê mờ tàm tơrbŏ sơñio rùp tơn tàm internet tus mờ 63 Mpồl kwang bàng Quôk hội tàm ală càr mờ ƀòn dờng tàm jơh gùt lơgar.

Cau mblàng Lơ Mu K’Yến