VOV4.K’ho- Drim do (19/9), tàm Hà Nội, Ủy ƀan Thường vụ Quôk hội mut pơrjum tơngume adat boh lam nhai 9. Geh lơh tàm 4 ngai, tàm dơ̆ pơrjum do, Ủy ƀan Thường vụ Quôk hội ai jơnau đơs tàm uă tơngume kuơmàng, tàm hơ̆ geh rơndap lơh Adat ù tiah (tam gơl), broă lơh krơi is bơtàu tơnguh ƀòn dờng Buôn Ma Thuột, càr Dăk Lăk mờ 2, 3 rơndap lơh adat ndai nàng yal Quôk hội in tàm pơrjum dơ̆ 4, geh lơh tàm nhai 10 tus.

                          Ủy ƀan Thường vụ Quôk hội mut pơrjum tơngume adat boh lam nhai 9

Kung tàm dơ̆ pơrjum do, Ủy ƀan Thường vụ Quôk hội tơrgùm ai jơnau đơs bè 5 rơndap lơh Adat boh lam yal Quôk hội in ai jơnau đơs dơ̆ sơn rờp, geh: rơndap lơh adat kă bro điện tử (tam gơl); rơndap lơh Adat khà priă (tam gơl); rơndap lơh Adat Hợp tak xã (tam gơl); rơndap lơh Adat lơh rơndap broă (tam gơl); rơndap lơh Adat Ù tiah (tam gơl). Mờ kung ai jơnau đơs bè broă mblàng lơh loh, cih dờp, bơsir bè rơndap lơh Adat Kham kòp, sơm kòp (tam gơl) mờ ai jơnau đơs (dơ̆ 2) bè rơndap lơh Adat rơcang gàr broă làng bol.

Cau mblàng K’Duẩn