VOV4.K’ho- Drim ngai 22/03, tàm Hìu Quôk hội, Ủy ƀan Thường vụ Quôk hội pơn jăt tai broă pơrjum dơ̆ 9. Tàm dơ̆ pơrjum dơ̆ 2 bơh Pơrjum dơ̆ 9 do dê, Ủy ƀan Thường vụ Quôk hội lơh broă tàm 03 ngai. Pal sền ngăc là Ủy ƀan Thường vụ Quôk hội geh sền swì, ring bal Kơrnoăt bè khà dia sền gàt tiah ơm kis gơwèt mờ xăng, zờu, zờu tơngi tus jơh ngai 31/12/2022.

Ngai 13/03 pa do, Cíñ phủ neh ring bal jơnau rơcăng cih bè khà dia sền gàr tiah ơm kis gơwèt mờ xăng, zờu, tơngi lơiang tus jơh ngai 31/12 nàng yal mờ Ủy ƀan Thường vụ Quôk hội in ring bal. Jăt mờ hơ̆, kờp dŭ khà gơmù dia sền gàr tiah ơm kis gơwèt mờ xăng là 2 rbô đong dùl lĭt; zờu diesel, zờu mazut, zờu lơiang là 1 rbô đong dùl lĭt; tơngi lơiang là 1 rbô đong dùl lĭt; dà ồs là 700 đong dùl lĭt. Tàm drim do 22/03, Ủy ƀan Thường vụ Quôk hội ai jơnau đơs bè broă yal lơh loh, iăt kơno, tam gơl 2 rơndăp lơh Adat, hơ̆ là: Adăt Kă bro Ƀảo hiểm (tam gơl) mờ Adat Lơh lơma (tam gơl); ai jơnau đơs bè rơndăp cih Kơrnoăt bơh Quôk hội lơh tơrlòng lài broă lơh lam lơh broă lơh lơh broă, bơto pơlam broă lơh, bơto broă lơh ai cau jàm bơdìh hìu jàm in.

Cau mblàng Lơ Mu K’Yến