VOV4.K’ho - Pơn jăt tai broă pơrjum dơ̆ 10, ngai do (18/04), Ủy ƀan Thường vụ Quốk hội pơgồp jơnau đơs bè rơndăp lơh adăt tam gơl, bơtơl ờ uă bơta tàm adăt Tần số vô tuyến điện mờ rơndăp broă adăt Lùp sền (tam gơl).

Rơndăp lơh adăt tam gơl, bơtơl ờ uă bơta tàm adăt Tần số vô tuyến điện nàng di pal mờ jơnau kờñ, jăt jơnau kờñ bơh dơ̆ tơnguh bơtàu lơh sa mờ măi mŏk dơ̆ 04 dê, jơnau kờñ tơrgùm bal dunia mờ tơmù ală bơta kal ke, ờ di pal gơlik geh bơh tàm mùl màl atbồ, gàr niam nùs nhơm ndrờm bal bơh broă lơh adăt boh lam tŭ do dê bè atbồ, ngui tần số vô tuyến điện. Tàm hơ̆ geh 8 tăp mờ 116 bơta, rơndăp broă adăt Lùp sền geh ai bè broă bơyai lơh, lơh broă lùp sền dà lơgar; nùs nhơm, kơrnoăt tam gơl adăt Lùp sền là lơh jăt nền nòn mờ mùl màl jơh gùng dà broă lơh bơh Đảng mờ Dà lơgar bè broă lùp sền; di pal mờ jơnau kờñ lơh niam sră nggal dà lơgar.

Cau mblàng Ndong Brawl