VOV4.K’ho- Pơn jat tai broă lơh pơrjum dơ̆ 14 bơh Ủy ƀan Thường vụ Quôk hội dê, ngai do 11/08, Ủy ƀan Thường vụ Quôk hội ai jơnau đơs bơh sơn rờp bè rơndap cih jơnau yal cồng nha jat sền tơngume “Broă lơh jat broă lơh, adat boh lam bè lơh jat tềm pềr, sơndră pơhì pơhà tơngai bơh nam 2016-2021”.

Phó Củ tịc Quôk hội ồng Trần Quang Phương pà gĭt, do là tơngume jat sền kal ke, uă tiah, gơrềng tus uă gah tờm mờ là bơta tờm bơh rài lơh sa, tus tơl gah tàm rài kis mpồl bơtiàn dê... Den tàng bè hơ̆, broă sền gĭt loh jơnau tờm gơbàn, sơñio loh kơnòl bơh ală anih lơh broă, mpồl cau, cau dùl nă să is tàm broă ai ngui mờ lam lơh jat broă lơh, adat boh lam bè lơh jat tềm pềr, sơndră pơhì pơhà geh gơtha kwơ màng ngan. Bơh hơ̆, sồr geh broă lơh tơnguh uă cồng nha lơh jat tềm pềr, sơndră pơhì pơhà mờ lơh sir broă lơh, adat boh lam geh gơrềng.

Cau mblàng K’Hạnh