VOV4.K’ho- Pơn jăt tai pơrjum dơ̆ 15, drim do 14/09, dùl tơngume kwơmàng geh cau tĕ khà mờ làng bol sền gròi, hơ̆ là Ủy ƀan Thường vụ Quôk hội ai jơnau đơs bè jơnau rơcăng cih jơnau yal cồng nha jăt sền tơngume “Broă lơh jăt gùng dà broă lơh, kơrnoăt boh lam bè lơh jăt tềm pềr, kơryan pơhì pơhà tơngai bơh nam 2016- 2021”. Do là dùl tàm bàr tơngume jăt sền dờng ngan rlau jơh bơh Quôk hội dê tàm nam 2022.

Jơnau yal mpồl jăt sền đơs là, bal mờ ală cồng nha lơh geh den broă cih kờp dŭ lài priă jền pah nam kes priă dà lơgar dê ờ hềt dipal mờ bơta geh ngan. Broă lơh lơh sa bal, ai wơl priă bơcri dà lơgar dê tơngai bơh nam 2016- 2020 lơyài ngan; priă dà lơgar bơcri tàm bàr pe mpồl lơh sa kă bro dà lơgar dê ờ hềt geh lơh niam. Broă ătbồ, ngui ù, jơtài dà lơgar dê tàm bàr pe ƀộ, ngàñ, càr mờ ƀòn dờng ờ di jơnau ai; kung gam sơl jơnau ngui tìs jơnau kờñ, lời pơhì pơhà. Bơta niam, broă rơndăp lơh ngui ù gam ờ uă, rơndăp ù tiah gời tàm sră pơ àr, rơndăp ù tiah gời tàm sră pơ àr gam uă; khà, bă ù ờ hềt ngui, lời pơhì pơhà, lời hòn ñhơ̆t halà ngui tìs jơnau kờñ gam geh tàm mờr jơh ală tiah.

Cau mblàng Lơ Mu K’Yến