VOV4.K’ho- Pơn jat tai pơrjum dơ̆ 8, tàm dơ̆ lơh broă drim ngai 16/02, Ủy ƀan Thường vụ Quôk hội ring bal broă ai tơlik Nghị quyết bè gơnoar broă, kơnòl broă, gơnap gơnoar mờ rơndap sap sèng mpồl rơndap broă bơh Mpồl lơh broă kwang bàng dê nàng kờñ lơh jat jơnau kờñ tam gơl pa mpồl lơh broă, tam gơl cồng nha lơh broă bơh Quôk hội, ală anih lơh broă bơh Quôk hội dê.

Ủy ƀan Thường vụ Quôk hội đơs là, broă bơ tơl kơnòl broă, gơnap gơnoar pa yal tàm jơnau rơcang cih Nghị quyết là dipal mờ bơta geh ngan mờ jơnau sồr gơ wèt tus mờ broă lơh kwang bàng. Mờ kung ring bal sồr Mpồl lơh broă kwang bàng đơng lam tàm tơngume kơnòl broă do nàng dipal mờ jơnau sồr bè broă lơh kwang màng mờ khà jal mhar bơh kơnòl broă do dê jat jơnau cih bơh adat boh lam dê bè tống tụng. Ală kwang bàngbơh Ủy ƀan Thường vụ Quôk hội dê kung sồr bơ tơl 2, 3 tơngume tă pơgồp jơnau đơs, lam lơh jat gơ rềng tus broă lơh atbồ kwang bàng gơ wèt tus mờ kwang bàng Quôk hội lơh broă sùm.

Cau mblàng K’Duẩn