VOV4.K’ho- Pơn jat tai pơrjum tơngume adat boh lam nhai 8, drim ngai 18/08, mờ 100% kwang bàng geh mat ring bal, Ủy ƀan Thường vụ Quôk hội neh ring bal Sơnoa boh lam lơh glài broă lơh tìs mờ priă gơwèt mờ broă lơh kơryan broă lơh yal yă. Sơnoa boh lam neh lơh ngan ngồn mờ broă lơh kơryan broă yal yă bè broă yă, yal bè cau lơh tìs tìs mờ jơnau geh ngan; broă lơh yal jơnau ndơ̆p ndơr lùp khàu; broă lơh kơryan ala mat bơh anih lơh broă dà lơgar, mpồl cau halà cau dùl nă să is tus bal yal yă...

Sơnoa boh lam lơh glài broă lơh tìs mờ priă mờ gơwèt mờ broă lơh kơryan broă lơh yal yă dê cih dilah cau kwang bàng, kông cứk, viên cứk, cau gơwèt mpồl ling klàng làng bol, Kwang àng làng bol, cau geh lơh broă kwơ màng lơh jat broă lơh kơryan broă lơh yal yă tŭ gam lơh broă lơh dà lơgar, kơnòl broă mờ broă lơh tìs hơ̆ gơwèt mờ broă lơh dà lơgar, kơnòl broă den ờ lơh glài jat jơnau cih bơh Adat boh lam dê bè lơh glài cau lơh tìs mờ priă mờ gơtìp lơh glài jat jơnau cih bơh Adat boh lam dê bè kwang bàng, kông cứk, viên cứk, mờ jơnau cih ndai bơh adat boh lam dê geh gơrềng.

Cau mblàng K’Hạnh