VOV4.K’ho- Pơrjum dơ̆ 11 bơh Ủy ƀan Thường vụ Quôk hội dê kờp dŭ geh lơh bơh ngai hìng, ngai 11 tus ngai 20/5, geh ai jơnau đơs bè uă tơngume kuơmàng ngan. Hơ̆ là sền sơ wì lơh nền broă crơng gơs thị trấn Phương Sơn gơwèt kơnhoàl Lục Nam mờ crơng gơs thị trấn Bắc Lý gơ wèt kơnhoàl Hiệp Hòa, càr Bắc Giang; gùng dà tam gơl jơnau kờñ ngui brê, ù brê mờ ù tam kòi bơh 2 kàl rlau hơđang bơh Rơndap broă lơh gùng lòt ù gờl rơndeh ntoat rat tiah đah tô - tiah đah jum hờ tiah đah mat tơngai lik tơngai bơh nam 2021 tus nam 2025 (dilah geh tơl bơta).

Ủy ƀan Thường vụ Quôk hội ai jơnau đơs bè jơnau yal sền sơ wì bơ tơl cồng nha lam lơh kơnòl broă bơtàu tơnguh lơh sa- mpồl bơtiàn mờ kes priă dà lơgar nam 2021; broă lam lơh broă rơndap lơh bơtàu tơnguh lơh sa- mpồl bơtiàn mờ kes priă dà lơgar ală nhai bồ nam 2022; sền sơ wì broă kờp dŭ rơndap broă tam pà kes priă dà lơgar tơngai bơh nam 2021 tus nam 2025 mờ nam 2022 ai ală ƀộ, anih lơh broă dà lơgar mờ kâp hơ đơm in lam lơh 3 broă lơh jơnau kờñ dà lơgar; bơ tơl broă rơndap lơh kes priă dà lơgar nam 2022 tàm lơgar tam pà ai ală bộ, gah broă lơh, ală càr, ƀòn dờng in.

Cau mblàng K’Duẩn