Ủy ƀan Thường vụ Quôk hội sền sơwì rơndap broă lơh Adat tam gơl ùr klau
Thứ sáu, 11:10, 12/05/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Pơn jat tai broă lơh pơrjum dơ̆ 23, drim do ngai 12/05, Ủy ƀan Thường vụ Quôk hội iăt jơnau yal bè jơnau sồr bơt bơtàu rơndap broă lơh Adat tam gơl ùr klau.
Kwang bàng Quôk hội ồng Nguyễn Anh Trí, mpồl kwang bàng ƀòn dờng Hà Nội pà gĭt: broă lơh sră nggal rơndap broă lơh Adat nàng lơh ngan ngồn gùng dà broă lơh bơh Đảng, Dà lơgar dê bè gàr niam mờ lơh jat gơnoar kòn bơnus, lam lơh jat jơnau sồr bơh Adat drơng broă Làng bol mờ Adat boh lam geh gơrềng bè tam gơl ùr klau, gơnoar să tờm bơh cau tam gơl ùr klau dê.
Broă ai lơh jat dùl kơrnoat boh lam nàng lơh niam wơl tam gơl ùr klau nàng kờñ lơh ngan ngồn jơnau cih tàm Bơta 37 bơh Adat drơng broă Làng bol dê, di pal jơnau kờñ geh ngan bơh dùl mpồl cau tàm mpồl bơtiàn, geh lơh jat tam gơl ùr klau jat jơnau cih bơh Adat boh lam dê nàng kis di mờ ùr klau bơh he dê.
Viết bình luận