Đơs tàm dơ̆ sơnđờm mut pơrjum, Củ tịc Quôk hội ồng Vương Đình Huệ pà gĭt, tàm pơrjum do, Ủy ƀan Thường vụ Quôk hội tă pơgồp jơnau đơs bè 3 rơndap broă lơh adat kwơ màng nàng yal mờ Quôk hội in tă pơgồp jơnau đơs tàm pơrjum dơ̆ 05, tàm hơ̆ geh: Adat lơh sa kă bro ù tiah hìu đam (tam gơl); Adat Viễn thông (tam gơl) mờ Adat Kăn kướk làng bol (tam gơl).

Kung tàm dơ̆ pơrjum do, Ủy ƀan Thường vụ Quôk hội tă pơgồp jơnau đơs bè broă yal mờ Quôk hội lơh nền bơtơl tàm Broă lơh bơt bơtàu adat, Kơrnoat boh lam gơwèt mờ 2 rơndap broă lơh: Adat gùng rơndeh ù gờl, Adat rơndap tap sèng lơngap lơngai lòt rê tàm gùng. Mờ ală kwang bàng kung tă pơgồp jơnau đơs bè sră yal bơh Cíñ phủ dê sồr bàr pe broă lơh pa tàm gah broă atbồ broă lik mờ mŭt tàm lơgar he, lòt gan tiah nhàr lơgar, ơm kis bơh làng bol lơgar ndai tàm lơgar Việt Nam tơmŭt tàm Nghị quyết bal bơh Quôk hội dê tàm pơrjum dơ̆ 5; gùng dà broă lơh bơcri priă lơh rơndap broă lơh gùng tàm tơrbŏ bal tiah tàm tơrbŏ bal ală càr: Khánh Hòa, Ninh Thuận mờ Lâm Đồng.