VOV4.K’ho- Drim ngai 15/08, tàm Hìu lơh broă Quôk hội, sơnđờm mut pơrjum tơngume Adat boh lam nhai 8 bơh Ủy ƀan Thường vụ Quôk hội dê.

Anih tàm tŭ bơyai lơh pơrjum

Đơs tàm dơ̆ sơnđờm mut pơrjum, Củ tịc Quôk hội ồng Vương Đình Huệ pà gĭt: tàm 4 ngai lơh broă, Ủy ƀan Thường vụ Quôk hội ai jơnau đơs tàm 11 rơndap broă lơh adat, Sơnoa boh lam mờ Nghị quyết. Tơnơ̆ dơ̆ sơnđờm mut pơrjum, Ủy ƀan Thường vụ Quôk hội cribơyai bè bơta kờñ pal geh ai ngui Sơnoa boh lam bè lơh glài cau lơh tìs priă jền gơwèt mờ broă lơh kơryan broă lơh yal yă. Củ tịc Quôk hội ồng Vương Đình Huệ đơs, broă lơh lơh jat broă lơh glài neh geh uă bơta niam, mơya gơtìp uă ngan bơta kòl yan, kal ke. Củ tịc Quôk hội sồr anih lơh broă dà lơgar cih jơnau pal cih nền nòn loh làng tơngume do. Bơdìh hơ̆, lơh loh broă lơh glài uă rlau tai gơwèt mờ bàr pe broă lơh kơryan yal yă tàm broă kŭp jàm.

Cau mblàng K’Hạnh