VOV4.K’ho- Pơn jăt tai pơrjum dơ̆ 9, ngai 14/03, ai jơnau đơs tàm cồng nha lơh jăt broă lơh jơnau kơ̆p kờñ bơh làng bol dê nhai 02 nam 2022, Ủy ƀan Thường vụ Quôk hội sồr Cíñ phủ, Thủ tướng Cíñ phủ sền gròi, sồr kơryan jơnau “sa jăt bal” giă xăng zờu nàng jòi sa kơñau. Cau tĕ khà đơs niam ngan bơta tus lơh bal di tŭ bơh Quôk hội dê tềng đăp bơta xăng zờu sùm gơguh giă, lơh gơrềng uă tus broă lơh sa mờ rài kis làng bol dê.

Bơta giă xăng zờu gơguh lơh gơ jăt bal giă bơh uă bơta phan bơna kă bro, drơng broă ala mờ priă tă ndai gơguh neh lơh rài kis, lơh broă sa bơh làng bol dê tìp kal ke. Ủy ƀan Thường vụ Quôk hội sồr Cíñ phủ sồr Ƀộ Kông thương, Ƀộ Tài cíñ mờ ală ƀộ, gah sơnah lơh broă kâp dà lơgar geh gơrềng bal pal geh broă lơh ătbồ, gròi sền geh cồng nha giă tăc bro phan bơna, drơng broă ala tŭ lơh jăt tam gơl giă xăng zờu, kơryan mờ tơrmù “sa jăt bal” giă xăng zờu bè tŭ do nàng jòi sa kơñau; sền gròi mờ geh broă lơh dong kờl ai làng bol mờ mpồl lơh sa kă bro in.

Cau mblàng Lơ Mu K’Yến