VOV4.K’ho- Pơn jat tai broă lơh pơrjum dơ̆ 15, drim do ngai 15/09, Ủy ƀan Thường vụ Quôk hội ai jơnau đơs bè broă rcang Pơrjum dơ̆ 4, Quôk hội khoá 15. Jat jơnau sồr, pơrjum dơ̆ 4, Quôk hội geh pơrjum tơrgùm bal, lơh broă 22 ngai; pơrjum rcang lài mờ sơnđờm mŭt pơrjum tàm ngai 20/10 tus.

Pơrjum kờp dŭ ring bal 6 rơndap broă lơh adat, 1 jơnau rcang cih Nghị quyết mờ ai jơnau đơs gơwèt mờ 7 rơndap broă lơh adat. Quôk hội iăt jơnau yal mờ cribơyai bè: cồng nha lơh jat broă rơndap lơh bơtàu tơnguh lơh sa- mpồl bơtiàn mờ kờp dŭ kes priă dà lơgar nam 2022; lơh nền broă rơndap lơh bơtàu tơnguh lơh sa- mpồl bơtiàn nam 2023, kờp dŭ kes priă dà lơgar mờ broă lơh tam pà kes priă dà lơgar nam 2023. Sền sơ wì ală jơnau yal broă lơh bơh Kwang atbồ Anih cih rña làng bol dờng ngan rlau jơh dà lơgar, Kwang atbồ Viện Kiểm sát làng bol dờng ngan rlau jơh dà lơgar; ală jơnau yal bơh Cíñ phủ dê bè broă lơh rcang sơndră sa kuề sa kuà, rcang sơndră mờ cau lơh tìs mờ broă lơh tìs adat boh lam, broă lơh lơh jat kơrnoat lơh glài nam 2022. Sền sơ wì jơnau yal tơn jơh, sền sơ wì broă lơh jat Nghị quyết sồ 30 bè ală broă lơh rcang sơndră kòp Kovid-19.

Cau mblàng K’Hạnh