Ủy ƀan Thường vụ Quôk hội tă pơgồp jơnau đơs tàm jơnau rcang cih Adat rơndăp tăp sèng, lơngăp lơngai lòt rê tàm gùng ù gờl
Thứ sáu, 10:43, 15/03/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Pơn jat tai broă lơh pơrjum dơ̆ 31, ngai do, 15/03, Ủy ƀan Thường vụ Quôk hội tă pơgồp jơnau đơs bè broă mblàng lơh loh, iăt, kơno, tam gơl wơl gơwèt mờ 4 jơnau rcang cih Adat, tàm hơ̆ geh jơnau rcang cih Adat rơndăp tăp sèng, lơngap lơngai lòt rê tàm gùng ù gờl.
Tơngume pal sền gròi ngan tàm jơnau rcang cih Adat rơndăp tăp sèng, lơngăp lơngai lòt rê tàm gùng ù gờl hơ̆ là jơnau sồr kơryan ờ ai cau măi rơndeh lòt tàm gùng mờ tàm mhàm geh bièr ơlak.
Củ ñiệm Ủy ƀan gah sền gàr Dà lơgar mờ Lơngăp lơngai bơh Quôk hội ồng Nguyễn Minh Đức đơs là, bơta do pal sền là “kơrnoăt” pal lơh jat niam. Tàm Adat rcang sơndră aniai bơh ơlak, bièr neh cih ờ ai ngan gơwèt mờ broă ngui bièr, ơlak tàm tŭ măi rơndeh. Bè jơnau pal jat bơh Adat boh lam lơgar Việt Nam dê hơ̆ là pal ring bal tàm ală adat boh lam khat dùl adat lơi kung pal geh ring bal jơh lơm. Jơh ală dơ̆ rềs àr gùng lòt, kờp bal geh pơgap 43% ală dơ̆ lơh gơ bàn rềs àr, lơh tìs lòt rê tàm gùng kơn jơ̆ ngan ndrờm geh bơh ơlak, bièr lơm.
Viết bình luận