VOV4.K’ho - Củ tịc Quốk hội ồng Vương Đình Huệ neh kĭ tơlik Nghị quyết sồ 17 nam 2022 bơh Ủy ƀan Thường vụ Quốk hội khoă 15 bè khà jơ lơh broă tai tàm 01 nam, tàm 01 nhai bơh cau lơh broă tàm bơta rơcang sơndră mờ kòp Kovid-19 mờ brồ guh wơl, tơnguh bơtàu lơh sa mpồl bơtiàn.

Ủy ƀan Thường vụ Quốk hội ai kơrnoăt di lah cau ngui cau lơh broă kờñ mờ geh jơnau ring bal bơh cau lơh broă den geh ngui cau lơh broă kờñ lơh tai rơlao 200 jơ, mơya ờ uă ir 300 jơ tàm 01 nam. Bè khà jơ lơh broă tai tàm 01 nhai, di lah cau ngui cau lơh broă geh ngui cau lơh broă lơh tai uă ngan 300 jơ tàm 01 nam geh jơnau kờñ mờ geh jơnau ring bal bơh cau lơh broă den geh ngui cau lơh broă lơh tai 40 jơ mơya ờ uă ir 60 jơ tàm 01 nhai. Broă lơh jăt kơrnoăt bè khà jơ lơh broă tai tàm Nghị quyết do pal lơh jăt tơl ală kơrnoăt ndai gơrềng bal bơh adăt lơh broă dê. Nghị quyết do geh ngui bơh ngai 01 nhai 04 nam 2022 do.

Cau mblàng Ndong Brawl