VOV4.K’ho- Ngai 20/10, Viện Jak chài măy mok Lơh broă sa sươn sre brê bơnơm Tây Nguyên tàm ƀòn dờng Buôn Ma Thuột, càr Dăk Lăk neh bơyai lơh tơngkah kir sơnrai 25 nam Ngai crơng gơs mờ dờp Gai lòng Lơh broă Khà dùl. Ală nam do, Viện Jak chài măy mok Lơh broă sa sươn sre brê bơnơm Tây Nguyên neh sac rwah mờ lơh gơtùi 15 sơntìl kơphê vối lơh geh cồng nha uă, uă ngan sơtìl tiêu, ƀơ, ka kau niam ngan nàng ai tam.

Viện Jak chài măy mok Lơh broă sa sươn sre brê bơnơm Tây Nguyên dờp Gai lòng Lơh broă Khà dùl

Do ndrờm là ală sơntìl tờm ngan tàm ală broă lơh tam pa wơl kơphê, tam gơl rơndăp tăp sèng chi tam tàm ală càr tiah Tây Nguyên. Bal mờ hơ̆, viện kung lam lài kơlôi sơnơng, sền swì bơta geh ngan tam phan lơh broă sa sươn sre brê bơnơm tàm tiah Tây Nguyên, lơh cơng tàng nàng ală càr tàm tiah do in lơh jăt ală rơndăp ù tiah bơtàu tơnguh lơh broă sa sươn sre- brê bơnơm in. Viện neh lơh pràn lơh broă bal mờ dunia, tàm hơ̆ geh lơh broă bal mờ lơgar Cuba bè bơtàu tơnguh kơphê kơ̆ kơl jăp jŏ jòng; Lơh broă bal mờ Nestle tàm broă dong kờl sơntìl kơphê ai cau lơh broă sa in.

VOVTây Nguyên/Cau mblàng Lơ Mu K’Yến