VOV4.K’ho-Dơ̆ đùh sră pồ lơgar tàm mpồl pa bơh Mpồl duh broă gơnoar kòn bơnus Liên hợp quôk tơngai lơh broă bơh nam 2023-2025 tàm hơ̆ geh Việt Nam là dùl lơgar tơlik mat tĕ khà tàm ngai 11/10 neh geh bơyai lơh tàm Pơrjum dờng Liên hợp quôk khoă 77 tàm New York. 14 lơgar tàm mpồl pa tàm kờp jơh 17 lơgar tơlik mat tĕ khà neh geh pồ mŭt tàm Mpồl duh broă gơnoar kòn bơnus Liên hợp quôk, ala mat ai 5 mpồl lơgar tàm hơ̆ geh: câu Phi, câu Á mờ Thái Bình Dương, tiah đah mat tơngai lik câu Âu, câu Mỹ Latinh mờ Caribe, tiah đah mat tơngai mŭt câu Âu mờ ală lơgar ndai.

Pơrjum dờng Liên hợp quôk đùh sră pồ ală lơgar tàm mpồl pa bơh Mpồl duh broă gơnoar kòn bơnus tơngai lơh broă bơh nam 2023-2025

Mpồl câu Á- Thái Bình Dương geh sền là bơta tàm pơrlòng dờng ngan rlau jơh tŭ geh tus 6 lơgar tơlik mat tĕ khà tàm tŭ mìng geh pồ 4 cơghĕ mờ ală lơgar gơ kờn tàm hơ̆ geh: Việt Nam, Bangladesh, Kyrgyzstan mờ Maldives. Mờ 145 tàm kờp jơh khà 189 sră pồ di pal, Việt Nam neh dơ̆ 2 gơ kờñ mŭt tàm anih lơh broă do. Do là dơ̆ 2 Việt Nam gơ kờñ mŭt tàm anih lơh broă do tơnơ̆ tŭ neh at gơnoar broă geh cồng nha gơnoar broă lơgar tàm Mpồl duh broă gơnoar kòn bơnus Liên hợp quôk tơngai lơh broă bơh nam  2014– 2016.

Cau cih VOV Tây Nguyên- Cau mblàng K’Hạnh