VOV4.K’ho- Việt Nam pa geh pồ là lơgar geh jơng bơh Ủy ƀan ală Cíñ phủ- là mpồl đơng pơlam, jat sền broă lơh jat Kông ươk 2003- tơngai lơh broă bơh nam 2022 tus nam 2026 bơh UNESCO dê, mờ khà sră pồ uă. Do là cồng nha bơh dơ̆ pơrjum dờng ală lơgar geh jơng tàm Kông ươk sền gàr phan lời wơl niam chài ờ di phan bơna bơh UNESCO dê dơ̆ 9 tàm Paris. Tàm khà kờp jơh 12 lơgar geh pồ lơh lơgar geh jơng ala ai tơngai lơh broă bơh nam 2022 tus nam 2026 in, geh 4 lơgar tàm tiah câu Á- Thái Bình Dương geh Việt Nam, Malaysia, Ấn Độ mờ Bangladesh.

Ủy ƀan ală Cíñ phủ Kông ươk 2003 geh 24 lơgar geh jơng, là anih đơng pơlam kuơmàng ngan bơh UNESCO dê bè sền gàr phan lời wơl niam chài ờ di phan bơna, kong kơnòl tàm broă jat sền lam lơh jat ngan ngồn kông ươk, ai tơlik ală broă lơh sền gàr phan lời wơl ờ di phan bơna, dong kờl dunia, sền sơ wì ală sră nggal yal cih mat... nàng pơrjum dờng Kông ươk in ring bal. Do là dơ̆ 2 là Việt Nam at kơnòl broă dờng màng do tàm anih đơng pơlam tờm ngan bè niam chài bơh UNESCO dê.

Cau mblàng K’Duẩn