VOV4.K’ho- Jat jơnau yal bơh Ƀộ Giáo dục mờ Đào tạo dê, jơh 7 nă cau bơsram Việt Nam tus bal pơrlòng Olympic Tin họk câu Á- Thái Bình Dương nam 2022 ndrờm geh gai lòng, tàm hơ̆ geh 3 Gai lòng biàng mờ 4 gai lòng trà.

Mpồl pơrlòng Việt Nam tàm Olympic Tin họk câu Á- Thái Bình Dương

Olympic Tin họk câu Á- Thái Bình Dương  geh bơyai lơh jat broă lơh pơrlòng pờ tơlik tàm internet; Ai Cập là lơgar drơng broă bơyai lơh. Jat jơnau sồr bơh Mpồl bơyai lơh Olympic Tin họk câu Á- Thái Bình Dương dê, Việt Nam geh sac rơ wah 7 nă kơnòm bơsram geh điềm jơnhoa ngan rlau jơh tus bal sền sơ wì khà jờng. Tàm Olympic Tin họk câu Á- Thái Bình Dương nam 2022 geh 888 nă kơnòm bơsram bơh 35 dà lơgar mờ kơnhoàl ù tiah geh tus bal. Cồng nha, geh 186 nă kơnòm bơsram pơrlòng geh khà. Tơnơ̆ 10 nam tus bal Olympic Tin họk câu Á- Thái Bình Dương, do là nam kơnòm bơsram Việt Nam dê lơh geh cồng nha niam ngan rlau jơh.

Cau mblàng K’Hạnh