VOV4.K’ho- Thủ tướng Phạm Minh Chính pa đơng lam dơ̆ pơrjum lơh jat jơnau hơ pơrgon bơh lơgar Việt Nam dê tàm pơrjum dơ̆ 26 ală gah tus bal Kông ươk Liên hợp quôk dê bè tam gơl trồ tiah.

Đơs tàm pơrjum, Thủ tướng Phạm Minh Chính đơs loh, broă sơndră tam gơl trồ tiah, tơrmù tuh tơlik nhơm carbon, bơtàu tơnguh kơ̆ kơljap là jơnau kờñ dờng ngan bơh mpồl bơtiàn dunia dê. Do là broă gùt plai ù den tàng pal geh broă tus bal gùt plai ù, pal geh bơta tus bal bơh jơh ală lơgar dê. Bơdìh hơ̆ tai, Thủ tướng kung đơs loh kơnòl bơh ală ƀộ, gah broă lơh, ală tiah dê tàm broă lơh jat jơnau hơ pơrgon; jơnau sồr nùs nhơm pal niam, git wă pal ring bal, lơh ngan pal uă, lơh ngan pal dờng mờ lơh broă pal jơh nùs, kràñ cê, geh tơngume tờm, lơh broă lơi jơh broă hơ̆.

Cau mblàng K’Duẩn