VOV4.K’ho- Drim ngai 05/4, tàm Hà Nội geh lơh dơ̆ kĭ sră cih kah bè lơh broă bal tàm gah bơto bơtê broă lơh đah Cíñ phủ lơgar Việt Nam mờ Cíñ phủ Tam klac bal lơgar Anh mờ đah tô Ai-len. Ƀộ trưởng Ƀộ Lao động, Thương ƀiñ mờ Xã hội ồng Đào Ngọc Dung ala mat Cíñ phủ Việt Nam mờ Đại sứ lơgar Anh mờ tiah đah tô Ai-len tàm Việt Nam ala mat Cíñ phủ tam klac bal lơgar Anh mờ tiah đah tô Ai-len kĭ sră cih kah.

Ală tơngume bơh sră cih kah dê geh: Tam pà jơnau git wă mờng chài bè bơto bơtê broă lơh; dong kờl bơt bơtàu mờ lam lơh ală broă lơh bơto bơtê broă lơh kơ̆ kơljap; lơh broă bal tơnguh pràn jak đơng pơlam, lam bồ, bơto bơtê mờ sền sơ wì pràn jak tàm ală hìu bơsram bơto broă lơh tàm lơgar Việt Nam; tơnguh kông nghệ kỹ thuật sồ tàm broă bơto bơtê pờ tơlik tơn tàm internet; lơh niam tơngume thể cế bơto bơtê broă lơh; lam lơh ală broă lơh dà đơs dipal tàm bơto bơtê broă lơh.

Cau mblàng K’Duẩn