Bàr nă kwang đơng lam bồ ndrờm đơs nền neh geh dơ̆ cribơyai geh cồng nha ngan, ring bal geh uă tơngume lơh broă bal kwơmàng, tơnguh bơta gĭt gơ̆p tam klăc lơh broă bal jŏ jòng đah bàr lơgar. Củ tịc lơgar Việt Nam ồng Nguyễn Xuân Phúc pà gĭt, mờ priă lơh geh bơh kă bro đah 2 lơgar geh 11 tơmàn 500 tơlak dolar Mỹ tàm nam 2021, lơh geh gờñ rlau 2 nam mờ nam do digơlan lơh geh 13 tơmàn dolar Mỹ, bàr gah ring bal gờñ ai priă lơh geh bơh kă bro đah bàr lơgar gơguh 15 tơmàn dolar Mỹ. Nam 2023, bàr lơgar rơ̆p bơyai lơh dơ̆ tơngkah kir sơnrai 10 nam Tam klăc lơh broă bal jŏ jòng, pờ tơlik tŭ tơngai pa tàm lơh broă bal bàr lơgar. Kwang ătbồ lơgar Indonesia ồng Joko Widodo sồr lơgar Việt Nam ai tơl bơta ƀươn ai phan bơna kă bro lơgar Indonesia dê tăc tàm lơgar Việt Nam, ngan là phan lơh geh bơh sươn sre. Bal mờ tơnguh lơh broă bal nhơl chờ, mơkung sồr ală gah rơndeh par bàr lơgar lơh sir ală broă rơndăp lơh nàng pờ gùng par pa đah Đà Nẵng mờ Java mờ tơnguh ală rơndeh par đah ƀòn dờng Hồ Chí Minh mờ Jakarta.

Pơn jăt hơ̆, Kwang ătbồ lơgar Indonesia ồng Joko Widodo neh đơng lam dơ̆ yờ sa kâp Dà lơgar ai Củ tịc lơgar Việt Nam ồng Nguyễn Xuân Phúc in.