Pơrjum Ƀộ trưởng kwơ màng bè Lơh broă, kwơ bal mpồl bơtiàn mờ bơtàu tơnguh mpồl cau lơh broă Việt Nam mờ Lào di dơ̆ tơngkah kir sơn rai 60 nam lơh bơta gĭt gơ̆p cribơyai broă mờ lơgar ndai đah 2 lơgar geh bơyai lơh drim ngai 29/11 tàm  ƀòn dờng Hạ Long, càr Quảng Ninh.

Pơrjum jờng rơ uă ală cồng nha lơh jat Sră nggal Pơrjum Ƀộ trưởng Lơh broă mờ kwơ bal mpồl bơtiàn dơ̆ 7 nam 2021 mờ bơta lơh broă bal bè lơh broă kwơ bal mpồl bơtiàn tơngai bơh nam 2012-2022. Jat hơ̆, 2 gah pơn jat tai sơlơ tơnguh mờ lơh geh ală bơta ƀuơn ai cau lơh broă 2 lơgar in lơh broă tàm lơgar Lào mờ Việt Nam; tam pà bal jơnau bơsram mờng chài bè bơtàu tơnguh bơta chài broă lơh tàm bơta pa; atbồ cau lơh broă ntrờn ơm kis, dong kờl cau lơh broă gơtìp gơrềng tàm tơngai kòp dờng Kovid-19; dong kờl cau gơtìp rềs àr ƀồm mền, lơngap lơngai kloh niam cau lơh broă mờ cau kuĕt kơl tê in... Cribơyai ală broă lơh lơh broă bal tàm nam 2023 mờ ring bal kơlôi sơnơng ală gùng dà pơlam lơh broă bal tàm tơngai pa.