VOV4.K’ho- Drim ngai 18/5, tàm bồt Tuần Châu, ƀòn dờng Hạ Long, càr Quảng Ninh, Ƀộ Nông nghiệp mờ Phát triển Nông thôn Việt Nam  pơgồp bal mờ Ƀộ Nông nghiệp Nông thôn lơgar Lo mờ Ủy ƀan Ñân zân càr Quảng Ninh bơyai lơh “Tơdùh sơntìl phan lơh gơlik wơl bơta kuơ phan tàm dà tiah kềng gah dà lềng Vịñ Bắc Bộ nam 2022”.

Kờp dŭ geh rlau 8 tơlak nơm sơntìl phan tàm dà geh tơdùh tàm dơ̆ bơyai lơh tàm Tuần Châu. Broă lơh gơ ơm tàm broă lơh jat sră cih kah bè lam lơh tơdùh sơntìl phan mờ sền gàr phan kuơ tàm dà tàm Vịñ Bắc Bộ geh kĭ đah Ƀộ trưởng Ƀộ Nông nghiệp mờ Phát triển Nông thôn Việt Nam mờ Ƀộ trưởng Ƀộ Nông nghiệp Nông thôn lơgar Lo di dơ̆ lòt còp bơh Tổng Ƀí thư ồng Nguyễn Phú Trọng dê tus lơgar Lo nam 2017. Bơh nam 2017 tus tŭ do, 2 gah neh pơgồp bal lam lơh geh cồng nha 4 dơ̆ tơdùh sơntìl phan lơh gơlik wơl bơta kuơ bal tàm Vịñ Bắc Bộ.

Cau mblàng K’Duẩn