VOV4.K’ho- Pơn jat tai dơ̆ lòt còp mờ lơh broă tàm lơgar Mỹ, Thủ tướng Phạm Minh Chính neh tìp mat ồng John MacAuliff, dùl nă bơyô jŏ nam, bơyô rềp mềr bơh Việt Nam dê mờ ala mat ală bơyô lơgar Mỹ dong kờl cau gơtìp sơnơm khih điôxin lơh aniai tàm lơgar Việt Nam.

Thủ tướng Phạm Minh Chính tìp mat ồng John McAuliff

Tàm dơ̆ wă, Thủ tướng pà git, dùl tàm ală jơnau kờñ bơh dơ̆ lơh broă tus lơgar Mỹ là pơgồp bơnah chồl pràn bơsong jơnau gơ lời wơl bơh rài tam lơh dê. Tơngai lài, bơh nùs nhơm “Lời dùl đah jơnau neh yau, wèt hờ tơnơ̆ do”, Việt Nam mờ Mỹ neh pơn jat tai tơnguh ală broă lơh geh cồng nha, ngan ngồn rlau nàng rơpua bơta jê sồt bơh rài tam lơh dê. Thủ tướng ưn ngài ồng John McAuliff mờ ală cau bơyô bè ală broă lơh ngan bơh ồng dê gơ wèt tus mờ broă lơh mờ lơgar ndai bơh Việt Nam dê tàm sùm 50 nam do, tă pơgồp ai ală broă bơsong jơnau gơ lời wơl bơh rài tam lơh tàm lơgar Việt Nam; kuơmàng neh lời uă nùs nhơm, bồ tơngoh, tŭ tơngai nàng dong kờl ală cau gơtìp aniai bơh sơnơm khih điôxin lơh aniai.

Cau mblàng K’Duẩn