Hơ̆ là jơnau đơs nền bơh Ƀộ trưởng Nông nghiệp Mỹ ồng Thomas Vilsack dê tàm dơ̆ tìp mat mờ cau lơh ƀău tàm mho ngai 19/4 tàm Hà Nội di dơ̆ lơh broă tus Việt Nam. Dơ̆ lòt còp gơ ơm tàm ròt ală broă lơh tơngkah 10 nam ngai lơh bơta git gơp lơh broă bal tơl làm Việt Nam- Mỹ, wèt tus lơh kơ̆ kơljap bơta git gơp đah 2 lơgar, mờ kung lơh niam rlau tai bơta git gơp kă bro đah 2 lơgar.

Tàm dơ̆ tìp mat mờ cau lơh ƀău, Ƀộ trưởng Nông nghiệp Mỹ ồng Thomas Vilsack đơs nền, bơta git gơp đah Mỹ mờ Việt Nam gam ngai sơlơ niam rlau mờ tŭ lơi jơh, kuơmàng là bơh tơnơ̆ tŭ 2 lơgar lơh bơta git gơp lơh broă bal tơl làm. Bè broă rề ơnàng tŭ niam kă bro đah 2 lơgar, kuơmàng là tàm gah lơh sa suơn sre, ồng Vilsack neh lơh broă mờ ală anih geh gơ rềng nàng jòi tŭ niam tac ală bơta phan pa bơh lơgar Mỹ tus lơgar Việt Nam mờ bơh Việt Nam tac tus lơgar Mỹ.